OTP അഥവാ ONE TIME PASSWORD എന്നാല്‍ വളരെയധികം സൂക്ഷിച്ചു കൈകാര്യം ചെയ്യേണ്ട സ്വകാര്യ വിവരമാണ്. ഏതൊരാവശ്യത്തിനു വേണ്ടിയാണെങ്കിലും സ്വന്തം ഫോണില്‍ വരുന്ന OTP അന്യരുമായി പങ്കു വയ്ക്കാതിരിക്കുക. നമ്മുടെ ബാങ്ക് അക്കൗണ്ടിലെ പണം കൈമാറ്റം ചെയ്യുന്നതിനും, ആധാര്‍ വിവരങ്ങള്‍ ശേഖരിക്കുന്നതിനും എല്ലാം മൊബൈല്‍ നമ്പര്‍ വെരിഫിക്കേഷന്‍ അനിവാര്യമായതിനാല്‍ തട്ടിപ്പുകാര്‍ പല രീതിയിലും നിങ്ങളിലേയ്ക്ക് എത്തിപ്പെടാന്‍ ശ്രമിക്കും ചിലപ്പോള്‍ ബാങ്കില്‍ നിന്നാണെന്ന വ്യജേനയോ,കൊറിയര്‍ ഉണ്ടെന്ന വ്യജേനയോ , അറിയാതെ ഇന്‍സ്റ്റാള്‍ ചെയ്യുന്ന വ്യാജ ആപ്പുകളോ ലിങ്കുകള്‍ വഴിയോ, കൂടാതെ നിങ്ങളെ വിളിച്ച് നിങ്ങൾ ഉപയോഗിച്ചു കൊണ്ടിരിക്കുന്ന നമ്പർ ഞാൻ മുൻപ് ഉപയോഗിച്ചിരുന്നതാണെന്നും, വിദേശത്തായിരുന്ന ഞാൻ ഇപ്പോൾ നാട്ടിൽ വന്നതാണെന്നും, എന്റെ തിരിച്ചറിയൽ രേഖകളെല്ലാം പുതിയ നമ്പറിൽ ലിങ്ക് ചെയ്യുന്നതിനായി പഴയ നമ്പറിലെ ഒടിപി ആവശ്യമാണെന്നും ആയതിനാൽ ഒടിപി തന്നു സഹായിക്കണമെന്നും ആവശ്യപ്പെട്ട് നമ്മുടെ ഫോണിലെ OTP കൈവശപ്പെടുത്തി പണം കവര്‍ന്നെടുക്കാം. സാമ്പത്തിക തട്ടിപ്പിന് ഇരയാക്കപ്പെട്ടാൽ ആദ്യ ഒരു മണിക്കൂറിനകം (GOLDEN HOUR) 1930 നമ്പരിൽ വിവരമറിയിച്ചാൽ തട്ടിപ്പിനിരയായ വ്യക്തിക്ക് നഷ്ടപ്പെട്ട തുക തിരിച്ച് ലഭിക്കാനുള്ള സാധ്യത കൂടുതലാണ്. സൈബർ തട്ടിപ്പുകള്‍ക്കെതിരെ ജാഗ്രത പാലിക്കാം.